​ភ្នំពេញ ៖ គិត​ចាប់ពី​ថ្ងៃទី​១ ដល់​ថ្ងៃទី​៣១ ខែមករា ឆ្នាំ​២០១៦ បាន​បង្ហាញថា មាន​មនុស្ស ១៨៨​នាក់​បាន​ស្លាប់បាត់​បង់ជីវិត​។ ចំនែក​អ្នករងរបួស​វិញ មាន​ចំនួន ៦៣៧​នាក់ ក្នុងនោះ មាន​អ្នករបួសធ្ងន់ ៣៣៨​នាក់ និង​របួសស្រាល ២៩៩​នាក់​។ នេះ​បើ​យោងតាម​របាយការណ៍​គ្រោះថ្នាក់​ចរាចរណ៍​ផ្លួ​វ​គោ​កនៅ​ទូទាំងប្រទេស របស់​នាយកដ្ឋាន​សណ្តា​ប់​ធ្នាប់ និង​ចរាចរណ៍ នៃ​អគ្គស្នងការដ្ឋាន​នគរ​បាល​ជាតិ​។​

​តាម​របាយការណ៍ មូលហេតុ​នៃ​គ្រោះថ្នាក់​ចរាចរណ៍​នេះ​គឺ​បង្កឡើង ដោយ ការបើកបរ​ល្បឿន​លឿន​មាន ១៤៦​លើក ស្រវឹង មាន​៣៤​លើក ប្រជែង​គ្នា​៤៤​លើក មិន​គោ​រណ​សិទ្ធ ៣៤​លើក និង​ប្រកាន់​ស្តាំ ២៦​លើក បត់​គ្រោះថ្នាក់ ២៦​លើក និង​កត្តា​យានយន្ត មាន​៧​លើក​។​

​សូមបញ្ជាក់ថា ខេត្ត​ដែល​រងគ្រោះថ្នាក់ និង​រងគ្រោះ​ច្រើនជាងគេ​មាន ដូចជា រាជធានី​ភ្នំពេញ មាន​២៤​លើក ស្លាប់​១៨​នាក់ របួស​សរុប​៣០​នាក់​។ នៅ​ខេត្តបន្ទាយមានជ័យ មាន​២២​លើក ស្លាប់​១៥​នាក់ របួស​៥៣​នាក់​។ ចំនែក​ខេត្តកំពង់ស្ពឺ មាន​២២​លើក ស្លាប់​២១​នាក់ រងរបួស​៩២​នាក់​។​ខេត្តពោធិ៍សាត់ មាន​២១​លើក ស្លាប់​១៩​នាក់ របួស​សរុប ៥១​នាក់​។ ខេត្តកំពង់ធំ មាន​១៩​លើក ស្លាប់​១៣​នាក់ របួស​សរុប​១២​នាក់ ខេត្តកណ្តាល មាន​១៦​លើក ស្លាប់​១៣​នាក់ របួស​សរុប ១២​នាក់ និង​ខេត្តព្រៃវែង ១៥​លើក ស្លាប់ ១៥​នាក់ របួស​សរុប​២០​នាក់​៕​